Ende pa përfunduar mirë kjo valë e të ftohtit në sfond po shihet një sinjal mkaft i fortë i ardhjes së një vale të re dimërore direkt nga Siberia në drejtim të Evropes dhe Ballkanit.
Edhe pse do të kemi disa ditë të këndshme dhe stabil nga e enjta pason ulja e sërishme e temperaturave dhe mundësi për reshje të reja bore. Të mërkurën një ciklon i shtresave të larta të atmosferes depërton dhe zhvillohet në Ukrainë e njëkohësisht pritet ekpansion shumë i fuqishëm antciklonik në perëndim të Rusisë, shtetet Baltike dhe juglindje të Skandinavisë. Nga periferia e kësaj mase gjigande antciklonike do të hapet rruga për ardhjen e sasive të mëdha të ajrit të ftohtë siberik drejt Evropes. Në anën tjetër në Iberi dhe Mesdhe priten krijime të disa cikloneve me reshje dhe ky kombinim është perfekt për reshje të dendura bore gjatë atyre ditëve. Në fillim të pranverës rreth datës 20 ose 21 Mars modelet “shohin” edhe krijimin e një cikloni në jug të Italisë dhe detit Adriatik i cili do të kushtëzonte reshje të reja bore dhe njëkohësisht do të vazhdonte fluksi i ajrit të ftohtë siberik.
Këto zhvillime dhe parashikime ngjajnë më shumë me muajin Janar, por duhet ditur se ndryshime në parashikim do të ketë (në disa nuanca) dhe tek pas disa ditëve do të dihet saktë ecuria e saktë sinoptike. Një është e sigurtë se dimri nuk e ka ndërmend të lëshojë pe./MeteoBallkan
