Kroacia do të dërgojë 10 milionë euro ndihmë për zonat e përmbytura në Bosnje dhe Hercegovinë, është vendosur sot në mbledhjen e Qeverisë kroate.
Kjo ndihmë urgjente financiare do t’i dërgohet Këshillit të Ministrave për nevojat e ndihmës së popullsisë në zonat e prekura nga përmbytjet, për të ndihmuar në rivendosjen e infrastrukturës dhe sigurimin e nevojave themelore për viktimat dhe të evakuuarit, njoftoi qeveria kroate.
Qeveria kroate i ngarkoi organet e administratës shtetërore që, në kuadër të kompetencave të tyre, të shqyrtojnë mundësitë dhe të ndërmarrin hapat e duhur për t’i ofruar ndihmë popullatës në zonat e prekura nga përmbytjet, në përputhje me kërkesën për ndihmë ndërkombëtare.
Në njoftim theksohet se Kroacia merr pjesë aktive në dërgimin e ekipeve të shpëtimit dhe pajisjeve për rehabilitimin e terrenit dhe mbetet e gatshme për të gjitha format e tjera të ndihmës.
