Temperaturat kanë shënuar ulje krahasuar me ditët e kaluara sidomos në zonat e rrebesheve të shiut, ndërkohë që ato do të pësojnë ulje të mëtutjeshme nga shirat eventual që priten sonte dhe po ashtu edhe të Premten, edhe pse me intensitet dhe shtrirje dukshëm më të vogël (të Premten).
Tani kemi depërtimin e ciklonit nga Italia i cili do të largohet nesër dhe do të shpërbëhet tërësisht. Njëkohësisht kemi rritjen e presionit atmosferik ose ardhjen e anticiklonit menjëherë pas largimit të ciklonit.
Më këtë nënkuptojmë stabilizim dhe përmirësim të motit të shtunën e sidomos të dielën. Të dielën do të kemi depërtimin e masave mjaft të nxehta ajrore me origjinë nga Afrika veriore. Pra, na pret një e diele tropikale, me nxehtësi dhe temperatura mbi 30 gradë Celsius.
Pra, sonte dhe të Premten me ardhjen e shirave lokal dhe erërave nga veriu do të kemi ulje të temperaturave. Të shtunën stabilizim të motit me ndonjë rigë krejtësisht të izoluar, kurse të dielën na pret ditë shumë e nxehtë verore. Shirat më të shtrira do të jenë sonte, kurse të premten do të jenë më të izoluara dhe me intensitet më të dobët.
Pas uljes së temperaturave këto dy ditë do të kemi një rritje të vrullshme të tyre sidomos të dielën dhe mund të kemi një valë të shkurtër tropikale, megjithatë pas dy ose tri ditëve mjaft të nxehta do të kemi prapë përkeqësim dramatik të motit me rrebeshe mjaft intensive shiu gjatë javës së re. Normalisht edhe temperaturat do të shënojnë ulje më të ndjeshme./MeteoBallkan
