Pas frontit të ftohtë të natës që erdhi me vranësira të dendura e reshje shiu temperatura dukshëm më të ulëta kanë përfshirë rajonin duke kushtëzuar reshje shiu e në malet më të larta do të ketë edhe reshje bore.
Këto temperatura paksa të pazakonta për këtë periudhë kohore, megjithatë mbeten në kondita normale për klimën kontinentale të rajonit. Ky muaj po kalon me temperatura dukshëm më të ulëta se vlerat mesatare, ndërsa reshje do të vazhdojnë herë pas here deri në fund të muajit.
Ky ciklon apo presion i ulët po shkakton stuhi të fuqishme thellë në juglindje të Evropes duke anashkaluar pak a shumë viset tona nga reshjet e mëdha.
Megjithatë, stuhi dhe reshje më intensive priten në juglindje të Shqipëris, disa pjesë në Maqedoninë Veriore, pastaj reshje të rrëmbyeshme priten në Bullgari, Greqi, Rumani pjesë të Turqisë etj.
Viset tona do të karakterizohen me reshje më të pakta, por me temperatura të ulëta.
Fillimi i javës së re do të kemi rritje dhe normalizim të temperaturave, megjithatë fronte të reja të ftohta me shi dhe ulje të temperaturave “kërcënojnë” prapë në fund të këtij muaji./MeteoBallkan
