Zhvillimi i fuqishëm anticiklonik që nga Atlantiku në njërën anë, pastaj ekspansioni masiv anticiklonik nga Siberia dhe në Skandinavi do të mundësojnë depërtimin e masave ajrore të ftohta në drejtim të territoreve tona. Masat ciklonike me reshje mbesin të bllokuara përtej Italisë në Mesdhe, vende-vende në Afriken veriore dhe jugperëndim e perëndim të Evropës.
Cikloni që do të jetë mjaft aktiv në Mesdhe do të ti afrohet viseve tona sidomos Shqipërisë por do të pengohet fuqishëm nga Anticikloni kontinental siberiko-skandinav.
Kjo gjendje sinoptike nuk favorizon fare reshje atmosferike në viset tona në një të ardhme të afërt, megjithatë kjo mund të ndikojë që në një të afërme pak më të largët të kemi përshkallëzimin e stinës së dimrit, duke pasur parasysh anticiklonin masiv në Skandinavi dhe Polin Verior mund të vjen deri te “Ngrohja e Menjëhershme e Stratosferës”, fenomen që mund të dislokojë ajrin e Rrethit Polar në pjesë tjera gjeografike dhe të shkaktojë një dimër mjaft dinamik.
Sidoqoftë, gjatë kësaj jave na pret mot më i ftohtë dhe me erëra të ftohta nga veriu e verilindja. Nuk pritet ndonjë i ftohtë ekstrem. I ftohti do të jetë i theksuar sidomos mbrëmjeve, netëve dhe mëngjeseve, ndërsa gjatë dites temperaturat shënojnë rritje nga 4 deri në 8 gradë Celsius dhe priten rreze diellore përpos disa rajoneve ku eventualisht mund të kemi stagnim të vranësirave të ulëta dhe mjegullës. Në Shqipëri normalisht më ngrohtë. Ndjesia e të ftohtit do të jetë e theksuar shpeshherë për shkak të erërave nga veriu e verilindja.
Reshje atmosferike nuk pritet të ketë gjatë javës, vetëm nëse ndodhë ndonjë ndryshim i papritur. Temperaturat gjatë netëve dhe mëngjeseve pritet të zbresin deri në -6 gradë Celsius e në viset malore mund të zbresin edhe më shumë.
Vlenë të theksohet se gjatë javës ndonjë ditë mund të vjen deri te krijimi i mjegullës ose vranësirave të ulëta sidomos orëve të natës dhe të mëngjesit të hershëm sidomos nëse do të ketë dobësim të plotë të erërave.
Ishte ky parashikimi i motit për javës e parë të Shkurtit. Ndryshime mund të ketë dhe për çdo ndryshim eventual do të njoftoheni me kohë në postimet tona gjatë javës, sepse mund të kemi zhvillime mjaft interesante gjatë muajit Shkurt./MeteoBallkan
