Pasi Agjencia Amerikane e Hapësirës NASA njoftoi se Sonda Parker iu afrua Diellit më shumë se çdo anije kozmike, mbërritën informacione të reja për këtë arritje.
Me pak pritje, NASA më në fund mori një sinjal nga anija kozmike, që do të thotë se ajo është në gjendje të mirë dhe po e kryen punën e saj pa asnjë problem.
“Laboratori i fizikës së aplikuar Johns Hopkins (APL) në Laurel mori sinjalin pak para mesnatës së natës së 26 dhjetorit. Ekipi nuk kishte qenë në kontakt me anijen kozmike që nga afrimi i saj me Diellin dhe sonda Parker arriti në 6.1 milion kilometra të sipërfaqes së Diellit”, thuhet nga NASA.
Anija kozmike u zhvendos drejt këtij qëllimi me 692 mijë km/h, dhe u përball me një temperaturë prej 980 gradë Celsius.
Kjo sondë do të ndihmojë NASA-n dhe shkencëtarët të bëjnë matje, të gjurmojnë origjinën e erës diellore dhe të zbulojnë se si grimcat energjike përshpejtohen në shpejtësinë e dritës.
Kur këto grimca ndërveprojnë me fushën magnetike të Tokës, qielli ndizet me aurora verbuese.
Por, ky i ashtuquajtur mot hapësinor mund të shkaktojë gjithashtu probleme, duke rrëzuar rrjetet e energjisë elektrike, elektronikën dhe sistemet e komunikimit.
Sonda diellore Parker u lansua në vitin 2018 dhe tashmë ka kaluar 21 herë rreth Diellit.
Megjithatë, kalimi i fundit ishte edhe më i afërti në histori.
