Edhe një javë me mot mjaft të ndryshueshëm. Rritje e temperaturave do të jetë sikur një lloj infuzioni për stuhitë apo shtrëngatat e izoluara që pritet të ndodhin nganjëherë gjatë kësaj jave.
Megjithatë priten edhe shumë intervale kohore me diell dhe intervale të gjata kohore pa reshje atmosferike. Fillimi i javës me temperatura mjaft të larta dhe zagushi, kurse me kalimin e ditëve do të vjen deri te ulja e lehtë e temperaturave.
Temperaturat do të fillojnë të pësojnë ulje sidomos pas stuhive (eventuale) të së Martës pasdite dhe mbrëmje që priten në zona të caktuara të rajonit tonë e më së shumti në veri dhe lindje të Shqipërisë, shumë vise të Kosovës dhe perëndim, jugperëndim dhe veriperëndim të Maqedonisë së Veriut. Shtrëngatë e fuqishme lokale pritet edhe në Kosovën lindore apo Luginë të Preshevës. Të gjitha këto fenomene do të jenë të karakterit lokal dhe në disa zona mund të ketë edhe vërshime të shpejta dhe breshër.
Nga e Mërkura pak më freskët, por ende me gjasa për stuhi të izoluara shiu vetëm në disa zona të izoluara. Në Shqipëri shumë më pak zhvillime të vranësirave.
Me afrimin e fundjavës ajri do të pastrohet nga grimcat sahariane, ndërkohë që rrebeshet e izoluara të pasditeve dhe mbrëmjeve shpeshtohen përsëri dhe kësaj kapin përsëri edhe Shqipërinë.
Nëse shikojmë pak më gjerë Ballkanin gjatë kësaj jave në shumë vise apo shtete ballkanike parashihen stuhi të fuqishme superqelizore me erëra të forta dhe breshër masiv. Për këtë do të shkruajmë ndonjë postim të veçantë.
Ishte ky me pak fjalë parashikimi javor i motit. Për shkak të atmosferës shumë dinamike ndryshime në parashikim do të ketë dhe për çdo ndryshim do të njoftojmë më kohë në postimet tona të përditshme./MeteoBallkan
