Ciklonin të cilin e kemi përmendur shumë ditë më pare sot arriti në viset tona dhe kemi të bëjmë me një ciklon mjaft të fuqishëm dhe shtypja atmosferike është jashtëzakonisht e ulët në viset tona. Pra, kemi të bëjmë me një depërtim që nuk ndodhë shpesh, por normalisht gjithçka është në suaza tërësisht normale në terme të përgjithshme.
Ky ciklon sot do të jetë mjaft i fuqishëm duke sjellur reshje mjaft të dendura në shumë rajone, por jo në të gjitha rajonet sepse reshjet nuk do të jetë të balancuara.
Fillimisht kemi rrymime ajrore nga jugu sepse cikloni gjendet ende në Detin Adriatik dhe Jon, ndërsa më stacionimin e tij më thellë në jug dhe lindje do të mundësohet depërtimi i frontit të ftohtë me erëra veriore.
Sot (e Hënë) priten reshje të shpeshta atmosferike. Në zonat më të ulëta shi, por edhe borë në disa lokacione. Në viset malore priten reshje intensive bore. Në disa vise priten reshje shiu, shqote e bore.
Me depërtimin e frontit të ftohtë të Martën herët të gjitha reshjet bëhen borë, por nuk bie në tërë territorin. Në Shqipëri do të pasojnë kthjellime sidomos në Ultësirën Perëndimore, por edhe në viset tjera sidomos në Kosovë reshjet e borës do të jenë të karakterit lokal, pra nuk përfshihen të gjitha territoret. Nganjëherë, vende-vende mund të ketë intervale të shkurtra reshje paksa më të dendura bore.
Në përgjithësi nga e Marta do të kemi mot më tipik dimëror, ndërsa reshjet e herëpashershme të borës nuk do të mungojnë, por jo të gjithë do të ndahen të kënaqur dhe nuk priten shtresa të mëdha të paktën njëherë për njëherë. Në Shqipëri kthjellime apo alternime mes diellit e vranësirave në perëndim e më shumë vranësira në lindje.
Pra, e tëra kjo javë do të jetë nën ndikimin e masës ciklonike të lartpërmendur dhe në kombinim me anticiklonin kontinental do të kemi vranësira shumë të shpeshta dhe episode reshje bore e diku edhe shqote e shiu.
Në fundjavë sipas të gjitha gjasave do të kemi fuqizimin e masës së fuqishme anticiklonike që do të kushtëzojë inversion të temperaturave dhe kjo nënkupton mundësi për mjegull të dendur. Temperaturat do të jenë tipike dimërorë, pak nën vlera mesatare për këtë periudhë kohore që është e mirëseardhur për të shijuar sadopak motin dimëror.
Gjithsesi në këto raste ndryshime do të ketë gjatë ditëve të javës dhe për çdo ndryshim eventual do të njoftoheni me kohë në postimet tona të përditshme./MeteoBallkan
