Një ciklon i shtresave të larta atmosferike do të krijohet dhe zhvillohet sidomos nga dita e Martë në zona të mëdha në Evropen juglindore. Si pasojë do të pasojë destabilizim i fuqishëm i atmosferës, me rrebeshe lokalisht intensive shiu me vetëtima dhe bubullimë.
Varësisht nga zhvillimet më të fuqishme konvektive në disa rajone do të ketë gjasa për rrebeshe mjaft intensive dhe breshër. Zhvillimet pritet të ndodhin kryesisht orëve të pasdites dhe mbrëmjes, duke mos përjashtuar ndonjëherë edhe në kohë tjera.
Temperaturat kanë shënuar rritje të ndjeshme dhe për këtë arsye edhe rrebeshet do të jenë të forta dhe me mundësi për breshër sidomos në mes të javës.
Pra, kjo javë në Kosovë, Shqipëri, Maqedoninë Veriore, luginë të Preshevës dhe Mal të Zi pritet të karakterizohet me intervale me diell dhe rrebeshe të shpeshta lokale me vetëtima, bubullimë dhe mundësi për breshër.
Reshjet do të jenë të karakterit lokal, ndërsa temperaturat do të fillojnë të pësojnë ulje nga dita në ditë.
Dita e hënë po karakterziohet me diell dhe me zhvillime të izoluara. Zhvillime më intensive ka në disa rajone të Shqipërisë.
Nga e Marta pasdite destabilizimi i atmosferës do të përfshijë shumë territore.
Nga e Mërkura do të kemi intervale me diell, por edhe vranësira të shpeshta dhe rrebeshe lokale shiu me vetëtima dhe bubullimë. Në aspektin termik do të jetë pak më freskët.
Ulja e temperaturave do të jetë paksa më e theksuar me afrimin e fundjavës, ndërkohë që vazhdojnë reshjet e herëpashershme të shiut.
Këto reshje do të jenë të mirëseardhura për shumë vise tona për shkak të thatësisë së madhe, por duhet pas kujdes nga zhvillimet e fuqishme eventuale konvektive që mund të kushtëzojnë bubullima të mëdha dhe breshër të izoluar.
Pra, e tërë java me intervale kohore me diell dhe rrebeshe të shpeshta të pasditeve dhe mbrëmjeve. Në fundjavë më freskët dhe me mundësi për reshje të herëpashershme shiu. Në pjesën e parë të javës më shumë intervale kohore me diell, ndërsa në pjesën e dytë të javës më shumë vranësira, por gjithnjë me mundësi që nganjëherë të ketë edhe intervale kohore me diell.
Ishte ky parashikimi i motit për këtë javë. Ndryshime të vogla në parashikimi mund të ketë. Për çdo ndryshim eventual do të njoftoheni me kohë në postimet tona të përditshme./MeteoBallkan
