Masa shumë e fuqishme ajrore anticiklonike ka kushtëzuar stabilizim të plotë të atmosferës sidomos në territoret tona ditëve të fundit, ndërsa gjatë ditëve të ardhshme do të ketë konsolidim edhe më të fuqishëm të masave ajrore të thata dhe të ngrohta anticiklonike.
Cikloni mjaft i fuqishëm i cili shkaktojë përmbytje masive në Itali nuk erdhi në viset tona për shkak të sistemit të fuqishëm ajror me presion të lartë atmosferik apo anticiklonit që po mbretëron në viset tona, prandaj reshjet mbetën në bllokuara në Itali dhe për këtë arsye pati reshje shumë të fuqishme për kohë më të gjatë se zakonisht.
Edhe gjatë kësaj jave do të vazhdojë dominimi i plotë i sistemeve ajrore me presion të lartë atmosferik, gjegjësisht masave ajrore stabile anticiklonike të cilat do të na sigurojnë mot plotësisht stabil dhe të ngrohtë vjeshtor. Mëngjeset do të jenë të ftohta dhe vende-vende me mjegull, ndërsa mund të ketë edhe ngrica sipërfaqësore të dobëta.
Pra, ky parashikim vlen për tërë javën.
Mëngjeset e ftohta, vende-vende me mjegull. Ditët e ngrohta me shumë diell dhe nganjëherë me vranësira lokale.
Në Itali do të vazdhojnë rrebeshet e fuqishme në shumë rajone të izoluara, por këto rrebeshe nuk do të vijnë në Shqipëri apo Kosovë.
Temperaturat në Kosovë afërsisht nga 1 minimalja deri në 22 gradë Celsius maksimalja, ndërsa edhe në Shqipëri priten shumë ditë të ngrohta dhe kryesisht me diell, me temperatura deri në 25 gradë Celsius, madje ndonjë ditë do të jetë edhe më ngrohtë. Ngashëm do të jetë edhe në Mal të Zi, Maqedoninë Veriore dhe Luginë të Preshevës. Normalisht me temperatura pak më të ulëta në viset kontinentale, por mbetet ngrohtë për këtë periudhë kohore.
Shfrytëzoni këtë javë me mot plotësisht stabil dhe me ditë mjaft të ngrohta./MeteoBallkan
