Një javë me mot të ndryshueshëm, por pjesa e parë e javës do të jetë mjaft e ngrohtë për këtë periudhë kohore. Temperaturat do të shënojnë rritje të ndjeshme për shkak të masës stabile anticiklonike dhe ajrit të ngrohtë mesdhetar në kuadër të kësaj mase ajrore.
Në tërë rajonin, Kosovë, Shqipëri, Maqedoni Veriore, Luginë e Preshevës do të mbretërojnë kushte pothuajse të njëjta tri katër ditët e para të javës; me stabilitet të plotë atmosferik, me mjegull gjatë mëngjeseve- ngrica lokale dhe ditë mjaft të ngrohta nëse llogarisim periudhën kohore në të cilën gjendemi. Vranësirat do të jenë të pakta dhe lokale, ndërsa për reshje atmosferike as që bëhet fjalë.
Mjegulla do të jetë prezente vetëm orëve të mëngjesit, eventualisht natës nëpër disa lugina dhe ultësira të rajonit.
Afër fundjavës ndryshim i situatës sinoptike
Duke filluar nga e Enjta ose më sigurt e Premtja një masë e ftohtë ajrore nga Skandinavia dhe Evropa qendrore do të depërtojë në Ballkan dhe rajon. Një ciklon do të formohet diku në Detin Adriatik ose Jon. Do të fillojnë reshje lokale shiu. Në viset kodrinore-malore reshje bore. Varësisht nga temperaturat ende nuk dihet me saktësi shumë të madhe për reshjet eventuale të borës nëpër ultësira dhe kjo do të varet tërësisht nga pozicioni i saktë i ciklonit dhe sasia e ajrit të ftohtë që cikloni do të tërheq në rajonin tonë.
Nëse cikloni (qendra) shkon në Greqi atëherë në viset tona priten reshje bore edhe në ultësira, por nëse cikloni merë kthesë në drejtim të veriut të Detit Adriatik (siç simulojnë disa modele) atëherë në viset tona do të jetë pak më nxehtë në momentin e reshjeve dhe reshjet do të jenë më shumë në formë të shiut.
Nëse realizohet versioni i parë atëherë do të kemi mundësi të përjetojmë reshje të dendura bore të cilat do të arrinë shtresa solide dhe shumë centimetra me borë të qëndrueshme për fillim të Dhjetorit, por për këtë duhet të presim deri në konfirmim të plotë të modeleve ose eventualisht të shpresojmë që mos të ketë ndryshime të mëdha
Pra të jemi pak më konkret: deri të enjten mot plotësisht stabil dhe me ditë të ngrohta. Të ENJTEN SHTIM I VRANËSIRA E TË PREMTEN RESHJE SHIU E MUNDËSI EDHE PËR RESHJE BORE. t
Temperaturat shënojnë ulje me ardhjen e reshjeve atmosferike, por a do të jenë mjaftueshëm të ulta për të krijuar kushte edhe për reshje bore mbetet të shihet.
Ishte ky parashikimi i motit për këtë javë. Ndryshime do të ketë sidomos me afrimin e fundjavës. Për çdo ndryshim do të njoftoheni me kohë në postimet tona të ardhshme./MeteoBallkan
