Java filloi e kthjellët dhe në mëngjes pati shumë mjegull e cila u tërhoq menjëherë gjatë paradites. Gjatë dites temperaturat shënuan rritje të ndjeshme nën ndikimin e rrymimeve ajrore nga jugu e jugperëndimi dhe rrezet diellore.
Mot me kthjellime por me shtim lokal të vranësirave do të vazhdojë edhe gjatë ditës së Martë me temperatura ndoshta edhe më larta, ndërsa vranësirat fillojnë të kushtëzojnë ndonjë rigë apo rrebesh shiu kryesisht në disa vise të Shqipërisë dhe Malit të Zi.
Të Mërkurën shtim i konsiderueshëm i vranësirave me mundësi edhe për reshje lokale shiu e në disa zona edhe rrebeshe shiu ku nuk përjashtohet tërësisht mundësia për ndonjë vetëtimë dhe bubullimë. Në Shqipëri reshje më të përhapura por ende të karakterit lokal, vende-vende rrebeshe intensive sidomos në disa vise bregdetare. Temperaturat ende të larta me tendencë uljeje për shkak të vranësirave dhe reshjeve. Gjatë së mërkurën eventualisht të Enjtes reshjet e shiut zgjerohen edhe në shumë pjesë të Kosovës dhe disa pjesë të Maqedonisë së Veriut dhe Luginës së Preshevës. Reshje bore vetëm në zonat malore.
Afër fundjavës përmirësim i shkurtër i motit ndërsa një ciklon i ri afrohet së bashku me temperatura paksa më të ulëta ku ka mundësi edhe për reshje lokale shiu krejt në fund të javës dhe në fillim të javës së re, ndërsa nuk përjashtohen edhe reshjet e borës, por kjo do të varet nga sasia e ajrit të ftohtë që do të vjen.
Pra, një javë me mot të ndryshueshëm. Gjysma e parë e javës dukshëm më e ngrohtë dhe me rreze të shpeshta dielli. Vranësirat shpeshtohen sidomos në mesjavë me reshje e rrebeshe lokale shiu, ndërsa afër fundjavës përsëri me intervale kohore me diell, por pastaj prapë me shtim të vranësirave e reshje lokale shiu e mundësi edhe reshje bore krejt në fund të javës.
Temperaturat do të vazhdojnë të jenë të larta nga (10 deri në 15 gradë Celsius) për këtë periudhë kohore. Vetëm në kohën e reshjeve ato pësojnë ulje por jo të theksuar, ndërsa pas rritjes së sërishme afër fundjavës ato pësojnë ulje krejt në fund të javës. Në Shqipëri priten dukshëm më shumë reshje.
Ky ishte parashikimi javor i motit për fund të Janarit dhe fillim të Shkurtit. Gjatë kësaj jave presim ndryshime në parashikim për shkak të jo-stabilitetit dhe mos-kompaktësisë të modeleve të motit. Për çdo ndryshim eventual do të njoftoheni me kohë në postimet tona të përditshme./MeteoBallkan
