E Hënë
Temperaturat kanë shënuar ulje dhe relaksimi nga vapa e stërmundishme ka ardhur, por mbetet ende zagushi. Vende-vende pati rrebeshe lokale shiu me vetëtima dhe bubullimë, ndërsa stuhitë me vetëtima do të vazhdojnë në mbrëmje dhe gjatë natës sidomos në bregdetin shqiptar.
Vranësirat në të gjitha viset do të vijnë duke u shtuar.
E Martë
Vranësirat mbesin prezente duke u dendësuar dhe duke krijuar kushte për rrebeshe intensive lokale shiu me vetëtima dhe bubullimë. Në bregdet pas reshjeve parashihet dobësim i tyre dhe përmirësim gradual i motit, megjithatë mbeten vranësira të herëpashershme dhe ndonjë rrebesh shiu. Në viset tjera përpos intervaleve kohore me diell priten zhvillime të rrebesheve lokalisht intensive të shiut me vetëtima dhe bubullimë.
E Mërkurë.
Përmirësim gradual në bregdet, por në viset tjera sidomos në Kosovë orëve të pasdites do të paraqiten rrebeshet lokale të shiut me ndonjë vetëtimë dhe bubullimë. Rrebeshe afatshkurtra lokale priten edhe në viset tjera kryesisht në zonat kodrinore-malore.
E Enjte
Temperaturat do të fillojnë të rriten nga e Enjta, ndërsa intervalet kohore me diell shtohen. Maksimalet përsëri mbi 30 gradë Celsius. Pasditeve dhe mbrëmjeve do të ketë gjasa për zhvillime të vranësirave dhe rrebesheve të izoluara të shiut me vetëtima dhe bubullimë. Në bregdet sipas parashikimeve pritet stabilizim pothuajse i plotë i motit me ndonjë përjashtim.
E Premte dhe fundjava:
Të Premten dhe gjatë fundjavës temperaturat rriten përsëri, por nuk pritet ndonjë vapë e madhe sikur ditët e kaluara. Temperaturat maksimale afërsisht nga 32 deri në 35 gradë Celsius. Në bregdet kryesisht me diell, kurse në viset tjera gjithnjë mund të ketë gjasa për zhvillime konvektive dhe ndonjë rrebesh shiu me vetëtima, bubullimë dhe breshër.
Ishte ky parashikimi i motit për këtë javë. Ndryshime të vogla në parashikim gjithsesi se mund të ketë. Për çdo ndryshim eventual do të njoftoheni në postimet tona të përdtishme./MeteoBallkan
