Java e dytë e Tetorit na sjellë temperatura të larta për kërë periudhë kohore, ndërkohë që reshjet atmosferike do të jenë më të pakta, megjithatë në shumë zona të Shqipërisë prapë priten rrebeshe lokalisht intensive sidomos ditën e Mërkurë.
Në Kosovë reshje apo rrebeshe kalimtare shiu priten të mërkurën dhe të premten.
Java ka filluar e ngrohtë dhe ditëve të ardhshme do të jetë edhe më ngrohtë sidomos e Marta dhe dita e Enjte.
E Marta kryesisht me diell në të gjitha viset tona, ndërsa të mërkurën një front i fuqishëm i ftohtë ajror sjellë reshje dhe rrebeshe lokale shiu, më intensive në Shqipëri dhe jug të Malit të Zi. Reshje më të pakta priten në Kosovë, Maqedoninë Veriore dhe Luginë të Preshevës. Rrymimet ajrore do të vazhdojnë të jenë të fuqishme nga jugu dhe jugperëndimi, prandaj temperaturat mbesin të larta gjatë gati tërë javës.
Në Shqipëri të mërkurën përsëri mund të ketë probleme afatshkurtra për shkak të rrebesheve intensive që mund të zhvillohen në disa Qarqe të vendit sidomos në veri, por mund të ndonjë edhe në ndonjë zonë në qendër dhe jug të vendit.
Pas frontit të së mërkurës i cili në Kosovë sjellë vetëm reshje kalimtare, të Enjten përmirësim i motit si në Kosovë po ashtu edhe në Shqipëri dhe viset tjera të rajonit, ndërkohë që temperaturat rriten dukshëm mbi 20 gradë Celsius. Disa reshje të dobëta mund të ndodhin në disa vise të Shqipërisë edhe të enjten.
Të Premten një front i ri sjellë vranësira të reja dhe reshje të reja shiu, por nuk priten reshje të mëdha. Prapë reshje paksa më intensive priten në veri të Shqipërisë dhe jug të Malit të Zi. Kësaj radhe nuk priten probleme, të paktën sipas ecurive aktuale.
Fundjava sjellë ulje të lehta të temperaturave dhe alternime mes vranësirave e intervaleve kohore me diell. Rrallë në disa zona mund të ketë ndonjë rigë ose rrebesh lokal shiu.
Ishte ky parashikimi i motit me pak fjalë për javën në të cilën kemi hyrë. Ndryshime të vogla në parashikim mund të ketë dhe për çdo ndryshim eventual do të njoftoheni me kohë në postimet tona të përditshme./MeteoBallkan
