Kjo javë do të karakterizohet me mot të ndryshueshëm, por me pak reshje atmosferike. Zhvillimet konvektive do të jenë ende prezente, madje të shpeshta, por të izoluara në zona të caktuara. Temperaturat do të fillojnë të rriten dukshëm sidomos me afrimin e fundjavës.
E Hëna me vranësira dhe stuhi të izoluara shiu me vetëtima, bubullimë dhe breshër. Këto zhvillime në viset tona janë vetëm në disa zona të izoluara për dallim nga rajoni (veri dhe veriperëndim) me gjerë ku ka stuhi dhe rrebeshe shumë intensive.
Të Martën na pret një ditë më stabile dhe me intervale kohore të gjata me diell. Reshjet atmosferike nuk pritet të ketë.
E Merkura, po ashtu sjellë rreze të shumta diellore, por orëve të pasdites në disa vise në Kosovë (gjysmën veriore) dhe Mal të Zi priten rrebeshe intensive, lokale shiu me vetëtima dhe bubullimë. Në viset tjera zhvillimet do të jenë krejtësisht të pakta dhe të izoluara.
Nga e Enjta, fillimisht mot i këndshëm dhe jo shumë i nxehtë, kurse të Premten do të filloi depërtimi i ajrit mjaft të nxehtë me origjinë nga Afrika veriore. Temperaturat do të shënojnë rritje të ndjeshme dhe kjo shënon fillimin e një vale të fortë nxehtësie verore. Temperaturat të Premten pak mbi 30 gradë Celsius, kurse për fundjavë shumë afër 35 gradë Celsius, madje në zonat më të nxehta të territoreve tona edhe mund të tejkalohet shifra 35.
Përkundër rritjes së fuqishme të temperaturave dhe valës së nxehtësisë verore, atmosfera nuk do të jetë plotësisht stabile. Pas nxehtësisë së madhe ditore, orëve të pasdites gjithnjë do të ketë “rrezik” për zhvillime të rrebesheve të izoluara të shiut me vetëtima, bubullimë dhe breshër. Këto zhvillime pritet të kapin territor jo të madh dhe kryesisht më shumë viset kodrinore-malore, prandaj nuk mund të dihet me saktësi të plotë.
Pra, deri të enjten mot paksa i ndryshueshëm, vende-vende me rrebeshe afatshkurtra shiu, kurse të enjten stabilizim i motit dhe rritje e ndjeshme e temperaturave sidomos nga e Premta. Rrebeshet e pasdites së vonshme mund të paraqiten edhe gjatë fundjavës në zona të izoluara përkundër nxehtësisë së madhe verore.
Ishte ky parashikimi javor i motit me pak fjalë. ndryshime të vogla mund të ketë gjithsesi dhe për çdo ndryshim eventual do të njoftoheni me kohë gjatë ditëve të javës në postimet tona të përdtishme./MeteoBallkan
