Nesër në Kosovë pritet të mbajë mot me vranësira dhe intervale kohore me diell. Rrallë në ndonjë rajon mund të ketë ndonjë rigë të dobët shiu ose fjolla bore në viset kodrinore-malore. Temperaturat pritet të luhaten nga -3 ajo minimale deri në 9 gradë Celsius ajo maksimale.
Në Shqipëri dhe rajon nesër pritet të mbajë mot me vranësira dhe intervale kohore me diell. Më shumë vranësira priten në Shqipëri ku po ashtu mund të ketë edhe riga afatshkurtra, kryesisht të dobëta shiu.
Të dilelen na pret mot kryesisht stabil, me alternime mes vranësirave dhe intervaleve kohore me diell. Temperaturat nuk pritet të kenë ndonjë ndryshim të ndjeshëm. Reshje atmosferike nuk pritet të ketë.
Të hënën do të kemi destabilizim të fuqishëm të motit. Fillimisht do të kemi erëra, vende-vende të fuqishme nga jugperëndimi, ndërsa në mbrëmje erërat do të fillojnë të fryjnë fuqishëm nga veriu. Reshjet e shiut që priten pasdite ose në mbrëmje do të shndërrohen në reshje bore. Priten reshje të dendura (kalimtare) bore dhe erëra të fuqishme nga veriu, por reshjet nuk do të zgjasin shumë. Të martën na pret mot i ftohtë dhe me erëra të fuqishme nga veriu. Reshjet pritet të pushojnë. Nga e mërkura stabilizim i plotë i motit dhe rritje e ndjeshme e temperaturave./MeteoBallkan
