Më në fund kemi depërtimin e një fronti të ftohtë ajror i cili na freskoj në këtë mbrëmje sadopak.
Nesër në Kosovë do të mbajë mot më i freskët si rezultat i depërtimit të këtij fronti të ftohtë ajror, kurse vende vende ka mundësi që të ketë edhe riga lokale shiu. Në ndonjë rajon mund të ketë edhe ndonjë rrebesh shiu i shoqëruar me ndonjë vetëtimë dhe bubullimë.
Në Shqipëri nesër do të mbajë mot kryesisht i kthjellët por në disa rajone të Shqipërisë, kryesisht në qendër dhe veri të vendit do të ketë rrebeshe lokale shiu të përcjellura me vetëtima dhe bubullimë.
Edhe në Maqedoni nesër do të mbajë mot i ndryshueshëm me intervale kohore me diell por edhe me mundësi për riga apo rrebeshe lokale shiu.
Të Enjten në tërë rajonin tonë do të mbajë mot kryesisht i thatë, me intervale kohore me diell por edhe me zhvillim vranësirash kalimtare. Ditën e enjte do të kemi përsëri fillim të ngritjes graduale të temperaturave.
Edhe të Premtën do të mbajë mot i ngjashëm sikur të enjtën me përjashtim të disa rajoneve në Kosovë ku pasdite ka gjasa për ndonjë rrebesh shiu. Temperaturat do të shënojnë ngritje.
Të Shtunën në Kosovë pritet që paradite të ketë mot të nxehtë dhe me diell kurse pasdite pritet zhvillim i vranësirave të cilat do të na sjellin rrebeshe lokalisht të fuqishme shiu me vetëtima dhe bubullimë, kurse në Shqipëri dhe Maqedoni përsëri do të jetë kryesisht kthjellët.
Ishte ky parashikimi i motit sipas ecurive më të fundit sinoptike nga Meteoballkan. Për çdo ndryshim eventual do të kemi lajmërime në postimet tona të përditshme.
