Nesër në Kosovë pritet të kemi adveksionin e ajrit të ngrohtë nga Evropa dhe Mesdheu. Mëngjesi do të jetë shumë i ftohtë, me acar dhe mundësi për mjegull. Gjatë ditës do të fillojnë të fryjnë erëra nga jugu dhe jugperëndimi që do të shkaktojnë rritje të temperaturave. Priten vranësira e intervale të gjata kohore me diell. Temperaturat nga -7 minimalja deri në 11 gradë Celsius maksimalja.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me vranësira dhe intervale kohore me diell. Në Mal të Zi mund të ketë riga lokale shiu, ndërsa temperaturat do të shënojnë rritje si pasojë e adveksionit të ajrit të ngrohtë dhe erërave jugore e jugperëndimore, megjithatë mëngjesi do të jetë me acar në shumë vise.
Nga e Marta na pret mot më i ndryshueshëm dhe relativisht i ngrohtë për shkak të rrymimeve të fuqishme ajrore nga jugu dhe jugperëndimi. Po ashtu priten edhe vranësira të shpeshta dhe intervale kohore me diell. Fillimisht në Shqipëri do të ketë riga lokale shiu, pastaj edhe në disa pjesë të Dukagjinit. Në mesjavë reshjet e shiut intensifikohen në disa rajone të Shqipërisë në formë të rrebesheve lokale, ndërsa në fundjavë do të kemi rikthimin e dimrit./MeteoBallkan
