Nesër në Kosovë do të kemi rikthimin e temperaturave mjaft të ulëta si pasojë e depërtimit të frontit më të ri të ftohtë ajror nga veriu. Vende-vende do të ketë edhe reshje bore kryesisht të intensitetit mesatar dhe të dobët. Temperaturat do të shënojnë ulje të theksuar dhe ndjesia subjektive e të ftohtit do të jetë e madhe për shkak të erërave të akullta veriore.
Në Shqipëri nesër kryesisht mot i thatë dhe mjaft i ftohtë. Vetëm në ekstremin verilindor, lindor dhe juglindor mund të ketë reshje të dobëta bore, kurse në viset tjera nuk priten reshje atmosferike.
Edhe në Maqedoni dhe Mal të Zi nesër mot mjaft i ftohtë kurse reshje të dobëta bore mund të ketë në veriun e Malit të Zi dhe ndoshta edhe në veriperëndim të Maqedonisë.
Nata mes të Hënës dhe të Martës do të jetë më e ftohta për këtë sezonë dimërore deri më tani ku gjatë natës minusat do të jenë dyshifrore në shumë pjesë të rajonit tonë e posaqërisht në Kosovë, Maqedoni dhe Shqipërinë kontinetale. Në veriun e Malit të Zi temperatura mund të zbresë deri në minus 20 gradë celsius. Për këtë më detajisht do tju njoftojmë nesër.
Të Martën në mbrëmje pritet ardhja e ciklonit më të ri në rajonin tonë dhe pasiqë do të kemi temperatura mjaft të ulëta në Bregdetin Malazez dhe Bregdetin Shqiptar mund të ketë reshje kalimtare të dendura bore. Pas depërtimit të ciklonit ajri do të nxehet dhe reshjet e borës do të shndërrohen në reshje shiu në bregdet dhe Ultësirën Perëndimore. Në Ultësirën Perëndimore të Shqipërisë reshjet e borës mund të mos paraqiten fare por gjasa ka, kurse në bregdetin veriperëndimor gjasat janë shumë më të mëdha për reshje bore. Shkodra dhe Tirana do të përjetojnë reshje kalimtare bore sipas të gjitha gjasave. Sidoqoftë në rajonet tjera të Shqipërisë do të ketë reshje të dendura bore duke filluar nga qendra në drejtim të veriut, lindjes dhe juglindjes. Në rajonet ku pritet ngritja e temperaturave priten reshje të dendura shiu dhe mund të paraqiten edhe stuhi të fuqishme me vetëtima dhe bubullimë.
Reshjet e borës do të fillojnë gjatë natës edhe në Kosovë dhe Maqedoni dhe do të intensifikohen gjatë të mërkurës. Në tërë Kosovën priten reshje të dendura bore e më shumë në rajonin e Dukagjinit.
Informacione tjera më vonë ose nesër në Meteoballkan.com./Meteoballkan.
