Nesër në Kosovë pritet të mbajë mot jo-stabil, me intervale kohore me diell dhe vranësira të cilat pritet të zhvillohen duke gjeneruar rrebeshe lokale shiu me vetëtima dhe bubullimë. Reshjet nuk do të përfshijnë tërë territorin, ndërsa në disa zona mund të ketë rrebeshe intensive. Do të fryjnë erëra nganjëherë të fuqishme, ndërsa temperatura maksimale pritet të arrijë deri në 22 apo 23 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Mërkurën pritet të mbajë mot me vranësira e intervale kohore me diell. Rrebeshe të pakta priten në Shqipëri dhe perëndim të Maqedonisë së Veriut, ndërsa në viset tjera mund të ketë zhvillime të rrebesheve më të fuqishme lokale me vetëtima dhe bubullimë.
E Enjta kryesisht me diell dhe rrebeshe të pakta dhe të izoluara shiu, ndërsa të Premten vonë shtim i vranësirave me reshje shiu në shumë vise të cilat pritet të vazhdojnë deri në mëngjesin e së Shtunës me ulje të temperaturave. Fundjava (pas shiut të mëngjesit të së shtunës) vjen me diell dhe vranësira lokale dhe me mundësi për ndonjë reshje lokale./MeteoBallkan
