Nesër në Kosovë pritet të mbajë mot me diell dhe shumë i nxehtë veror. Orëve të pasdites në veriperëndim të vendit, sidomos në rajonin e Pejës dhe Istogut parashihen zhvillime të vranësirave të cilat do të kushtëzojnë rrebeshe lokale shiu me vetëtima dhe bubullimë.
Më vonë rrebeshe të izoluara priten edhe në disa vise tjera të Kosovës. Temperaturat maksimale parashihen deri në 34 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell dhe mjaft i nxehtë veror. Pasdite në Mal të Zi (pjesët qendrore dhe veriore) parashihen zhvillime të fuqishme të vranësirave konvektive ku priten rrebeshe të fuqishme shiu me vetëtima dhe bubullimë. Ndonjë rrebesh shiu me bubullimë pritet edhe në veri të Shqipërisë, lindje dhe juglindje të vendit si dhe në veriperëndim të Maqedonisë së Veriut.
Të Premten na pret mot me diell dhe vranësira lokale. Temperaturat mund të pësojnë ulje të lehta, ndërsa pasdite priten zhvillime të izoluara kryesisht në disa vise kodrinore-malore.
Nga e Shtuna na pret mot kryesisht me diell dhe pothuajse tërësisht stabil veror./MeteoBallkan
