Të Hënën na pret mot kryesisht me diell dhe stabil. Mëngjesi do të vazhdojë të jetë me acat, me temperatura minimale deri në -6 apo -7 gradë Celsius. Gjatë dites rritje e temperaturave deri në 8 apo 9 gradë Celsius.
Në Shqipëri, Maqedoninë e Veriut, Luginë të Preshevës pritet të mbajë mot me diell dhe vranësira të pakta lokale. Në Mal të Zi pritet të ketë shtim të vranësirave, ndërsa në viset tjera më shumë diell dhe me stabilitet atmosferik.
Të Martën do të ketë shtim të vranësirave në tërë viset tona, vende-vende me reshje shiu dhe po ashtu edhe reshje bore të intensitet kryesisht të dobët. Reshje paksa më intensive priten në disa vise të Shqipërisë, ndërsa më shumë fjolla bore priten në lindje të Shqipërisë dhe perëndim të Maqedonisë së Veriut. Temperaturat ditore do të shënojnë ulje kryesisht të lehta, ndërsa acari i mëngjesit do të zbutet.
Edhe dita e mërkurë pritet të jetë me vranësira e reshje të herëpashershme shiu e bore./MeteoBallkan
