Nesër në Kosovë do të mbajë mot kryesisht i vranët me ndonjë rigë lokale shiu. Paradite mund të ketë edhe intervale kohore me diell, kurse pasdite dhe kah mbrëmja priten zhvillime të fuqishme të vranësirave vertikale të cilat do të sjellin rrebeshe lokale shiu me vetëtima dhe bubullimë.
Në Shqipëri nesër mot mjaft jo stabil dhe me reshje të shpeshta shiu shiu, vende- vende do të ketë edhe rrebeshe shiu me vetëtima dhe bubullimë. Gjatë mbrëmjes në jug të vendit pritet ndërpreja e të reshurave atmosferike.
Edhe në Mal të Zi dhe Maqedoninë e Veriut nesër mot jostabil dhe me rrebeshe shiu. Rrebeshe më të fuqishme dhe më të shpeshta priten në Mal të Zi.
Të enjtën në tërë rajonin mot me vranësira, intervale kohore me diell si dhe riga lokale shiu, vende-vende edhe me rrebeshe lokale me vetëtima dhe bubullimë. Mot jostabil dhe me reshje të herëpashershme pritet të mbajë edhe të premtën dhe për fundjavë kur ka mundësi që të kemi edhe reshje të reja të dendura shiu./Meteoballkan
