Nesër në Kosovë na pret mot me diell dhe mjaft i nxehtë veror. Pasdite vonë priten disa zhvillime të disa vranësirave, por rrallë në ndonjë zonë mund të ketë ndonjë rigë ose rrebesh të izoluar shiu, kryesisht në viset malore afër Maqedonisë së Veriut. Temperaturat maksimale nga 28 deri në 32 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Mërkurën pritet të mbajë mot kryesisht me diell dhe i nxehtë veror. Pasdite vonë në disa zona në jug dhe lindje të Shqipërisë si dhe në perëndim dhe veriperëndim të Maqedonisë së Veriut mund të ketë zhvillime të rrebesheve të izoluara të shiut me ndonjë vetëtimë dhe bubullimë. Këto zhvillime do të jenë krejtësisht të izoluara.
Ditëve të ardhshme pritet të kemi mot kryesisht me diell dhe stabil. Pasditeve gjithnjë do të ketë gjasa për zhvillime të izoluara vetëm në juglindje të Shqipërisë dhe ndoshta në disa vise në Maqedoninë Veriore, ndërsa në viset tjera nuk priten zhvillime dhe pritet të vazhdojë thatësia dhe stabiliteti i plotë atmosferik./MeteoBallkan
