Nesër në Kosovë pritet të mbajë mot plotësisht i vranët dhe me reshje të herëpashershme, lokale bore. Reshjet do të jenë të intensitetit kryesisht të dobët e nganjëherë deri mesatar. Do të fryjnë erëra të ftohta nga veriu, kurse temperaturat afërsisht nga -4 deri në 1 gradë Celsius.
Në Shqipëri nesër pritet të mbajë mot plotësisht i vranët dhe me reshje shiu në perëndim e jug, ndërsa në viset tjera do të vazhdojnë reshjet e herëpashershme të borës. Do të jetë edhe një ditë tipike dimërore. Reshje bore të Hënën priten edhe në tërë territorin e Maqedonisë së Veriut, por jo të intensitetit të lartë si dhe në Luginë të Preshevës nesër po ashtu priten reshje të herëpashershme lokale bore. Më së paku reshje nesër priten në veriperëndim të Shqipërisë dhe Mal të Zi.
Nga e Marta ulje e mëtutjeshme e temperaturave. Reshjet do të vazhdojnë të izoluara dhe të pakta, ndërsa përpos vranësirave priten intervale kohore me diell. Do të kemi disa mëngjese me acar mjaft të fortë me temperatura nga -6 me mundësi që temperatura të ulet deri në -12 gradë Celsius ndonjë mëngjes gjatë javës./MeteoBallkan
