Nesër në Kosovë do të mbajë mot kryesisht me diell dhe mjaft i nxehtë. Do të ketë erëra nga jugu dhe jugperëndimi të cilat do të fuqizohen gradualisht. Në mbrëmje vonë dhe gjatë natës do të fillojë depërtimi i frontit të ftohtë ajror nga veriu. Pritet të kemi shtim të vranësirave, erëra veriore dhe ulje të temperaturave. Gjithashtu do të fillojnë edhe reshjet lokale të shiut.
Në Shqipëri, Maqedoninë Veriore dhe Mal të Zi nesër do të mbajë mot kryesisht i kthjellët dhe mjaft i nxehtë, me temperatura maksimale rreth 25 gradë Clesius në nivel rajoni.
Pasnesër në Kosovë do të kemi mot tërësisht të vranët me ulje të temperaturave. Pasdite do të rifillojnë reshjet e shiu të cilat do të vijnë duke u intensifikuar dhe zgjeruar. Vonë në mbrëmje me uljen e temperaturave do të fillojnë edhe reshje të dendura bore. Nëpër ultësira do të ketë reshje shiu, bore por edhe reshje të përziera, kurse në viset kodrinore-malore do të ketë vetëm reshje dëbore.
Të shtunën vonë reshjet e shiut do të fillojnë edhe në veri të Shqipërisë dhe Maqedoninë e Veriut, kurse reshje të fuqishme shiu dhe bore priten në Mal të Zi.
Të dielën në tërë rajonin ulje të ndjeshme të temperaturave. Priten reshje shiu, kurse në Kosovë, veriun e Malit të Zi dhe shumë pjesë të Maqedonisë së Veriut do të ketë edhe reshje bore, vende-vende dhe herë pas here intensive. Reshje dëbore do të ketë edhe në verilindje, lindje dhe juglindje të Shqipërisë dhe atë kryesisht në viset kodrinore-malore.
Nga e hëna stabilizim gradual i motit, kurse nga e marta ngritje të sërishme të theksuara të temperaturave./Meteoballkan
