Nesër në Kosovë pritet të mbajë mot jo-stabil, me diell dhe vranësira të cilat do të fuqizohen dhe zhvillohen duke kushtëzuar lokalisht rrebeshe shiu me vetëtima dhe bubullimë. Nuk do të ketë rrebesh shiu në të gjitha viset, por më shumë në viset kodrinore-malore dhe lokalisht edhe në ndonjë rajon tjetër të ulët ku mund të ketë ndonjë shtrëngatë të fuqishme me breshër.
Temperaturat do të shënojnë ulje sidomos në zonat ku do të kenë fatin të kenë rrebeshe shiu dhe vranësira dhe ajo maksimale pritet deri në 30 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira të cilat në disa zona kontinentale do të kushtëzojnë stuhi të izoluara shiu me vetëtima dhe bubullimë, kryesisht më shumë në kodrina dhe bjeshkë. Në bregdet dhe pjesët qendrore e jugore të Shqipërisë vapë e madhe.
Të Mërkurën na pret mot me diell dhe vranësira lokale e ndonjë reshje të dobët. Temperaturat do të shënojnë rritje të menjëhershme. Të Enjten prapë përkeqësim lokal i motit me rrebeshe lokale shiu në Kosovë, veri të Shqipërisë dhe pjesë të Maqedonisë Veriore. Temperaturat prapë do të shënojnë ulje./MeteoBallkan
