Nesër në Kosovë do të mbajë mot kryesisht i vranët, i ftohtë dhe vende-vende me reshje shiu dhe dëbore. Do të ketë erëra mesatare e nganjëherë edhe të fuqishme nga veriu dhe verilindja të cilat mund të sjellin edhe fjolla dëbore. Reshje pak më intensive do të ketë në juglindje të vendit, pra në rajonet afër kufirit me Maqedoninë e Veriut. Në disa rajone tjera reshjet do të jenë vetëm simbolike.
Në Shqipëri nesër do të mbajë mot kryesisht i vranët dhe vende-vende me reshje shiu. Mund të ketë edhe rrebeshe lokale shiu, ndërsa në viset kodrinore malore në lindje dhe juglindje të vendit do të ketë edhe reshje dëbore.
Në Maqedoninë e Veriut nesër do të mbajë mot tërësisht i vranët dhe me reshje shiu, kurse në viset kodrinore-malore do të ketë reshje dëbore. Reshjet më intensive nesër do ti ketë pikërisht Maqedonia e Veriut, ndërsa stuhi të fuqishme shiu dhe dëbore nesër do të ketë në Greqi dhe Bullgari.
Fillimi i javës së ardhshme do të karakterizohet me stabilizim gradual të motit. Erërat do të fillojnë të fryjnë nga jugu dhe juglindja si dhe pritet që temperaturat të shënojnë ngritje graduale./Meteoballkan
