Dita e Premte sjellë një ndryshim të motit, por jo të madh. Na pret një ditë me vranësira, por edhe me intervale kohore me diell. Temperaturat maksimale do të shënojnë ulje dhe minimalja pritet të zbres deri në 17 gradë Celsius, kurse maksimalja deri në 30 gradë Celsius. Vetëm në disa vise në Dukagjin do të jetë më nxehtë deri në 31 apo 32 gradë Celsius.
Vranësirat do të sjellin reshje të pakta lokale shiu ku mund të ndodhë edhe ndonjë rrebesh lokal shiu.
Në Shqipëri nesër pritet të mbajë mot me vranësira dhe diell. Pasdite do të ketë zhvillime të rrebesheve lokale të shiut me vetëtima dhe bubullimë. Vranësira e intervale kohore me diell të Premten priten edhe në Maqedoninë Veriore me mundësi për ndonjë reshje ose rrebesh të rrallë shiu. Temperaturat do të shënojnë ulje në të gjitha viset tona dhe kjo do të jetë një lehtësim sadopak nga vapa e fuqishme verore.
Fundjava vjen me intervale kohore me diell dhe vranësira të shpeshta lokale. Herë pas here lokalisht pritet të vazhdojnë zhvillimet e rrebesheve lokale të shiut me vetëtima dhe bubullimë. Më shumë diell e më pak reshje pritet të ketë në Kosovë. Temperaturat do të shënojnë përsëri rritje, por jo ekstreme.
E Hëna vjen me atmosferë jo-stabile dhe me rrebeshe lokale shiu me vetëtima dhe bubullimë si dhe me freskim të konsiderueshëm të motit./MeteoBallkan
