Nesër në Kosovë pritet të kemi mot me vranësira e reshje lokale bore orëve të mëngjesit. Mos prisni reshje të mëdha bore dhe po ashtu nuk pritet borë në tërë territorin, por vende-vende priten pamje të bukura nga reshjet estetike të borës.
Reshjet e borës nuk do të zgjasin, prandaj menjëherë gjatë dites do të ndalen dhe do të fillojnë intervalet kohore me diell. Temperaturat do të luhaten nga -1 deri në 6 gradë Celsius.
Në Shqipëri dhe Maqedoninë Veriore fronti do të arrijë krejtësisht i dobësuar dhe atë vetëm në disa zona veriore dhe verilindore dhe nuk pritet ndonjë impakt. Parashihen vranësira të shpeshta dhe në disa zona riga lokale shiu e në viset malore ndonjë fjollë bore. Fjolla bore nesër në mëngjes priten edhe në shumë vise në Luginën e Preshevës, por afatshkurtra dhe pa ndonjë akumulim.
Nga e mërkura deri të premten në tërë rajonin vranësira të shumta, por ngrohtë për arsye të rrymimeve të fuqishme ajrore nga jugu. Lokalisht priten intervale kohore me diell, por edhe reshje e rrebeshe lokale shiu. Vende-vende në Shqipëri priten rrebeshe dhe stuhi intensive shiu me vetëtima dhe bubullimë.
Të premten pasdite fronti i ftohtë sjellë temperatura polare fillimisht në Kosovë, pastaj edhe në shumë zona të Shqipërisë dhe Maqedonisë së Veriut. Vende-vende do të ketë edhe reshje bore sidomos në Kosovë dhe pjesën lindore të Shqipërisë./MeteoBallkan
