Nesër në Kosovë pritet të mbajë mot me vranësira të ulëta dhe mjegull në mëngjes, ndërsa gjatë ditës vende-vende priten intervale kohore me diell. Temperaturat pa ndonjë ndryshim, por do të kenë tendencë ngritjeje të lehtë. Minimalet deri në -5, kurse maksimalet deri në 7 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Mëngjesi vende-vende do të jetë me mjegull, ndërsa dita stabile dhe me rritje të lehta të temperaturave.
Të Martën do të kemi shtim të vranësirave të shiut të cilat lokalisht do të kushtëzojnë reshje shiu të intensitet kryesisht të dobët dhe të karakterit lokal. Në viset kodrinore-malore priten reshje shqote e bore. Fjolla bore dhe shqotë mund të ketë edhe në disa ultësira nga mbetjet e ajrit polar, por në përgjithësi reshje do të jenë të pakta dhe afatshkurtra.
Mot i ngjashëm do të mbajë edhe ditëve të ardhshme. Temperaturat do të rriten sepse mjegulla dhe vranësirat e ulëta do të shpërndahen. Nganjëherë priten riga lokale shiu./MeteoBallkan
