Nesër në Kosovë do të mbajë mot mjaft i ftohtë me erëra të ftohta dhe të fuqishme veriore dhe me reshje lokale bore. Reshjet eventuale do të ndërpriten pasdite. Temperaturat do të shënojnë ulje të theksuara dhe se ajo maksimalja nuk do të kalojë në plus.
Në Shqipëri nesër mot mjaft jostabil, me reshje kalimtare bore në shumicën e territorit shqiptar. Gjithashtu do të ketë edhe erëra të fuqishme dhe ulje të theksuara të temperaturave.
Edhe në Maqedoni dhe Mal të Zi nesër shumë ftohtë me reshje bore. Reshjet e borës do të jenë më intensive në Maqedoni.
Nesër natën në tërë rajonin me acar Siberik, posaqërisht në ato rajone ku eventualisht do të ketë kthjellim të motit. Gjithashtu edhe të dielën mot mjaft i ftohtë por pa reshje atmosferike. Nga e hëna mund të kemi stabilizim gradual të motit dhe ngritje graduale të temperaturave./Meteoballkan
