Pas shirave që priten gjatë natës dhe orët e hershme të mëngjesit nesër në Kosovë pritet ndërprerje e të reshurave dhe largim i vranësirave. Do të ketë intervale të gjata kohore me diell por gjithashtu pritet të kemi erëra jugore dhe juglindore të cilat vende-vende dhe herë pas here pritet të jenë të fuqishme. Pasdite vonë në disa rajone mund të ketë rrebeshe lokale shiu, posaqërisht në veriperëndim të vendit.
Edhe në Shqipëri nesër pritet të ndërpriten reshjet, kurse gjatë ditës pritet mot kryesisht me diell dhe relativishti nxehtë. Vetëm lokalisht mund të ketë ende ndonjë rrebeshe shiu.
Edhe në Maqedoni dhe Mal të Zi pritet mot i ngjashëm, me intervale të gjata kohore me diell, erëra vende-vende të fuqishme jugore dhe ndonjë rigë lokale shiu.
Të mërkurën në tërë rajonin pritet të kemi mot me diell dhe vranësira kalimtare. Temperaturat do të shënojnë ngritje të ndjeshme. Të enjtën mot i ngjashëm, edhe më nxehtë por vende-vende pritet të ketë rrebeshe të izoluara shiu me vetëtima dhe bubullimë. Të premtën pritet kulminacioni i nxehtësisë, kurse nga e shtuna përkeqësim i motit./Meteoballkan
