Rrebeshe shiu me vetëtma dhe bubullimë kanë përfshirë në këto çaste disa rajone të Shqipërisë veriore dhe veriperëndimore. Gjatë orëve të ardhshme rrebeshe lokale mund të ketë edhe në disa pjesë të Kosovës përëndimore dhe veriperëndimore, ndërsa në orët e hershme të mëngjesit pritet kthjellim i motit. Ende do të kemi erëra por ato do të vijnë duke u qetësuar gradualisht gjatë natës dhe ditës së nesërme.
Nesër në Kosovë do të mbajë mot me intervale të gjata kohore me diell dhe vranësira kalimtare. Temperaturat do të shënojnë ngritje të ndjeshme.
Nesër në tërë rajonin tonë pritet mot i ngjashëm, me më shumë rreze dielli por edhe me intervale kohore me vranësira. Temperaturat në tërë rajonin do të shënojnë ngritje të theksuar me përjashtim të Malit të Zi ku do të jetë më ftohtë dhe do të ketë edhe riga lokale shiu.
Të enjtën në tërë rajonin pritet të kemi mot kryesisht me diell por edhe me vranësira kalimtare. Pasdite në jug dhe lindje të Shqipërisë mund të ketë rrebeshe lokale shiu me vetëtima dhe bubullimë. Poashtu edhe në jug dhe juglindje të Kosovës mund të ketë ndonjë rrebesh të izoluar shiu me vetëtima dhe bubullimë.
Të premtën ditë e vërtetë verore në tërë rajonin me temperatura maksimale mbi 25 dhe nën 30 gradë celsius./Meteoballkan
