Gjatë natës dhe orëve të mëngjesit të së Premte në Kosovë dhe Maqedoninë Veriore pritet të ketë intensifikim të reshjeve të shiut. Shiu mund të vazhdojë edhe paraditen e së Premtes.
Të Premten në Kosovë pritet të mbajë mot plotësisht i vranët dhe me reshje e rrebeshe shiu sidomos në mëngjes dhe paradite. Pasdite reshjet do të vazhdojnë në rajone të caktuara e në disa rajone nuk përjashtohen disa intervale të shkurtra kohore me diell. Temperaturat deri në 15 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Premten pritet të mbajë mot me vranësira, vende-vende të dendura me reshje shiu. Lokalisht parashihen rrebeshe me vetëtima dhe bubullimë.
Fundjava sipas parashikimeve vjen me vranësira e nganjëherë me intervale kohore me diell. Vende-vende, kohë pas kohe priten zhvillime të rrebesheve lokale të shiut me ndonjë vetëtimë dhe bubullimë. Temperaturat pa ndonjë ndryshim të madh, por mund të pësojnë ulje të lehta./MeteoBallkan
