Të mërkurën në Kosovë na pret mot me vranësira e intervale kohore me diell ku vende-vende mund të ketë edhe ndonjë rigë apo rrebesh lokal shiu. Temperaturat do të shënojnë rritje të lehta, por mbetet ende freskët për këtë periudhë kohore sidomos në zonat ku do të ketë më shumë vranësira dhe ndonjë rrebesh i shkurtër shiu. Maksimalja pritet të arrijë deri në 23 apo 24 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Mërkurën pritet të mbajë mot me diell dhe vranësira me mundësi për disa zhvillime të rrebesheve të izoluara me vetëtima dhe bubullimë. Temperaturat do të shënojnë rritje të lehta.
Shumë më shumë vranësira dhe rrebeshe shiu priten të Enjten për shkak të depërtimit të një fronti të ftohtë ajror i do të kushtëzojë ulje të temperaturave përpos reshjeve të shiut.
Nga e Premtja përmirësim gradual i motit. Fundjava vjen kryesisht me diell dhe nxehtësi veçanërisht të dielen./MeteoBallkan
