Nesër në Kosovë pritet të mbajë mot me vranësira dhe intervale kohore me diell. Rrallë në disa rajone pritet të ketë ndonjë reshje ose rrebesh të izoluar shiu, ndërsa vazhdojnë erërat nga juglindja. Temperaturat pritet të luhaten nga 1 minimalja deri në 14 gradë Celsius maksimalja.
Në Shqipëri pritet të ketë më shumë vranësira dhe më shumë reshje shiu. Reshjet do të jenë të karakterit lokal dhe në formë të rrebesheve me ndonjë vetëtimë dhe bubullimë.
Vranësira dhe ndonjë interval kohor me diell të Enjten priten edhe në Maqedoninë Veriore dhe Luginë të Preshevës. Reshjet do të jenë të pakta dhe të izoluara.
Mot i ngjashëm na pret edhe për fundjavë, me intervale kohore me diell dhe vranësira të herëpashershme. Temperaturat do të fillojnë të pësojnë ulje sepse priten erëra paksa më të ftohta nga veriu dhe verilindja. Për shkak të fuqizimit anticiklonik reshjet do të jenë të pakta dhe të rralla./MeteoBallkan
