Të Dielën në Kosovë parashihet të kemi mot me vranësira dhe reshje të herëpashershme, lokale shiu. Pasdite mund të ketë edhe ndonjë vetëtimë dhe bubullimë, ndërsa nuk përjashtohet mundësia për intervale kohore me diell kohë pas kohe. Temperatura maksimale deri në 14 apo 15 gradë Celsius. Do të fryjnë erëra paksa të ftohta nga veriu dhe verilindja.
Në Shqipëri, Maqedoninë Veriore, Luginë të Preshevës dhe Mal të Zi të Dielën pritet të mbajë mot me vranësira dhe riga lokale shiu. Në disa zona priten intervale kohore me diell, kurse në zona tjera rrebeshe lokale shiu me vetëtima dhe bubullimë, pra reshjet nuk do të mungojnë, por do të jenë të herëpashershme dhe të karakterit lokal.
Java e re fillon me mot pothuajse pa ndonjë ndryshim të madh. Presim alternime mes vranësirave, intervaleve kohore me diell dhe rigave-rrebesheve lokale të shiut. Erëra paksa të ftohta nga veriu dhe verilindja do të jenë të pranishme duke shkaktuar ulje të temperaturave, por jo shumë të theksuara./MeteoBallkan
