Sot në Kosovë do të mbajë mot i ndryshueshëm dhe pak më i nxehtë se dje. Në mbrëmje pritet të kemi shtim të vranësirave dhe përsëri erëra të ftohta veriore. Gjatë natës dhe të mërkurën priten reshje të dobëta bore. Pra, vazhdon mot mjaft i ndryshueshëm.
Edhe në Shqipëri, Maqedoninë Veriore dhe Mal të Zi nesër mot pak më i nxehtë, por pa reshje atmosferike. Pasnesër përsëri pak më ftohtë dhe me erëra të ftohta veriore.
Nga e Enjta pritet ngritje e temperaturave dhe stabilizim afatshkurtër i motit. Të Premtën ngritje e theksuar e temperaturave dhe do të kemi një mot pothuajse pranveror, kurse për fundjavë do të kemi përsëri destabilizim të motit. Se çfarë do të na sjellë fundjava është shumë herët për detaje prandaj, detaje tjera në postimet tona të ardhshme./Meteoballkan
