Sot në Kosovë do të mbajë mot me intervale të gjata kohore diellore dhe mjaft i nxehtë për këtë periudhë kohore, me temperatura maksimale rreth 20 gradë Celsius në nivel vendi. Në mbrëmje vonë dhe gjatë natës priten reshje lokale, kalimtare shiu.
Në Shqipëri, Maqedoninë Veriore dhe Mal të Zi pritet të mbajë mot me intervale të gjata kohore me diell dhe vranësira si dhe do të jetë nxehtë për këtë periudhë kohore. Gjatë natës priten reshje të izoluara, afatshkurtra shiu.
Nga e enjta do të fillojnë të fryjnë erëra pak më të freskëta nga veriu dhe verilindja. Priten intervale kohore me diell, vranësira dhe në disa vise riga afatshkurtra shiu. Temperaturat do të shënojnë ulje të lehta, kurse nga fundi i javës ulje pak më të theksuara, por ende temperaturat do të jenë në suaza të normales./Meteoballkan
