Sot në Kosovë pritet të kemi mot kryesisht me diell dhe të nxehtë, me temperatura maksimale të cilat pritet të arrijnë deri në 33 gradë Celsius. Pasdite aty-këtu në disa vise priten rrebeshe të izoluara shiu me vetëtima dhe bubullimë.
Në Shqipëri dhe rajon pritet të mbajë mot kryesisht me diell i nxehtë. Pasdite priten zhvillime të vranësirave në disa zona të izoluara duke kushtëzuar rrebeshe lokale shiu me vetëtima dhe bubullimë.
Edhe të dielën na pret mot i ngjashëm, kryesisht me diell dhe mjaft i nxehtë, por pasdite në disa vise priten rrebeshe lokale shiu me vetëtima dhe bubullimë. Në disa lokacione mund të ketë rrebeshe të fuqishme, por të cilat do të jenë të karakterit lokal.
Të hënën dhe të martën na pret mot mjaft i ndryshueshëm. Gjatë dites ose pasdite priten zhvillime të fuqishme të vranësirave të shiut të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër./MeteoBallkan
