Sot në Kosovë na pret mot me vranësira, intervale kohore me diell dhe reshje shiu. Pasdite parashihen zhvillime të fuqishme të vranësirave konvektive që do të kushtëzojnë rrebeshe lokalisht intensive shiu me vetëtima dhe bubullimë. Temperaturat do të shënojnë ulje sidomos në kohën dhe zonën e rrebesheve të shiut.
Në Shqipëri, Maqedoninë e Veriut, Kosovën lindore dhe Mal të Zi pritet të mbajë mot me vranësira e intervale kohore me diell. Zhvilimet e reve të shiut me vetëtima dhe bubullimë do të fillojnë në veriperëndim të Shqipërisë në viset bregdetare, pastaj edhe në shumë zona tjera të vendit. Rrebeshe lokalisht intensive nesër priten edhe në Maqedoninë Veriore, Kosovën lindore dhe Mal të Zi. Në disa lokalitete mund të ketë breshër.
Të mërkurën me vranësira e intervale të shkurtra kohore me diell. Reshjet dhe rrebeshet lokale të shiut do të vazhdojnë të jenë të shpeshta sidomos orëve të pasdites në Kosovë dhe disa zona në Maqedoni dhe Preshevë. Në Shqipëri më pak reshje e më shumë intervale kohore me diell.
Nga e Enjta më ngrohtë, por reshjet e herëpashershme lokale nuk do të mungojnë./MeteoBallkan
