Sot në Kosovë pritet të mbajë mot i kthjellët, stabil dhe me diell. Temperaturat do të shënojnë rritje dhe ato maksimale parashihen nga 20 deri në 24 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot kryesisht me diell, por edhe vranësira të pakta lokale. Mund të ketë ndonjë rigë të dobët shiu në jug të Shqipërisë. Temperaturat deri në 28 gradë, ndërsa në Maqedoninë Veriore deri në 25 dhe 26 gradë Celsius.
Edhe dita e Hënë parashihet të jetë kryesisht me diell dhe një ditë mjaft e ngrohtë. Në bregdet do të ketë shtim gradual të vranësirave e gjatë natës mundësi për rrebeshe lokale shiu. Erërat do të fillojnë të fryjnë nga jugu.
Rrebeshe intensive të Martën parashihen në shumë pjesë të Shqipërisë dhe Malit të Zi, ndërsa në Kosovë parashihen rrebeshe shumë të izoluara vetëm në disa zona./MeteoBallkan
