Java e fundit e mujit Prill dhe fillimi i muajit Maj do të karakterizohen me mot të ndryshueshëm, por mjaft të ngrohtë, sidomos nga e enjta dhe e premta. Frontet e ftohta nga veriu do të depërtojnë në Ballkan, por fatmirësisht nuk pritet të arrijnë deri në territoret tona për arsye të një cikloni të fuqishëm në Spanjë dhe jug të Francës i cili do të drejtojë ajrin e ngrohtë afrikan në drejtim të rajonit tonë. Mirëpo, megjithë rritjen e temperaturave moti nuk do të jetë krejtësisht stabil, pikërisht për shkak të këtij cikloni të fuqishëm i cili nganjëherë mund të shkaktojë destabilizim të atmosferës edhe tek ne.
Vranësirat e para pritet qysh sot, por të cilat nuk pritet të sjellin reshje të mëdha. Reshjet pritet të jenë sporadike dhe të dobëta. Gjatë natës së ardhshme në Kosovë pritet riga lokale shiu. Po ashtu edhe gjatë ditës së martë priten riga sporadike shiu, por edhe intervale kohore me diell.
Dita më jo-stabile në Kosovë pritet të jetë e mërkura kur pritet destabilizim i atmosferës me zhvillime të munshme konvektive në atmosferë. Zhvillimet konvektive ose vertkale sjellin rrebeshe pranverore-verore shiu me vetëtima dhe bubullimë, por këto rrebeshe nuk pritet të jenë gjithëpërfshirëse. Përderisa një rajon përfiton rrebesh të fuqishëm, rajoni tjetër mund të mbetet pa asnjë pikë shiu. Kjo është natyra e reshejve konvektive.
Nga e enjta priten rritje të mëtutjeshme të temperaturave, përderisa ajri i ngrohtë Afrikan fuqizohet edhe më shumë në rajonin tonë dhe temperaturat mund të arrijnë deri në 25 gradë Celsius, madje në disa rajone temperaturat mund të arrijnë deri në 28 gradë Celsius.
Pra, në përgjithësi kjo javë pritet të karakterizohet me temperatura të larta (sidomos nga e ejta) vranësira, intervale kohore me diell, riga lokale shiu (jo të shpeshta) dhe erëra vende-vende të fuqishme nga jugu. Fundjava pritet të jetë mjaft e nxehtë dhe kryesisht e thatë. Mund të ketë zhvillime të izoluara dhe ndonjë rrebesh me vetëtima dhe bubullimë kryesisht në viset kodrinore-malore.
Ishte ky me fjalë të pakta parashikimi javor i motit nga MeteoBallkan dhe nëse ka ndonjë ndryshim ne do ju njoftojmë në postimet tona të përditshme./Meteoballkan
