Nga sot pritet të pushojnë reshjet e shiut, por gradualisht.
Sot në Kosovë do të mbajë mot kryesisht i vranët dhe vende-vende me reshje shiu. Pasdite reshjet do të pushojnë, kurse nga verilindja do të pasojë edhe kthjellimi i pjesërishëm i motit.
Në Shqipëri sot pritet të mbajë mot kryesisht i vranët dhe me reshje shiu në gjysmën jugore të vendit. Në pjesën veriore do të jetë kryesisht thatë dhe me mundësi edhe për intervale kohore me diell. Reshjet të dendura shiu priten në jug dhe perëndim të vendit.
Edhe në Maqedoninë Veriore sot do të mbajë mot kryesisht i vranët dhe me reshje lokale shiu, kurse në Mal të Zi pritet mot kryesisht i thatë.
Nesër në tërë rajonin do të kemi mot me vranësira dhe intervale kohore me diell. Do të ketë ngritje graduale të temperaturave, ndërsa reshje atmosferike nuk do të ketë më me përjashtim të jugut të Shqipërisë ku ende mund të ketë riga shiu.
Nga e premta përmirësim substancial i motit dhe ngritje e temperaturave, ndërsa reshje të reja shiu ose rrebeshe kalimtare në Kosovë mund të kemi të shtunën vonë në mbrëmje. /Meteoballkan
