Sot në Kosovë na pret mot me vranësira e intervale kohore me diell. Herë pas here priten reshje lokale shiu sidomos orëve të pasdites dhe mbrëmjes, ndërsa temperaturat maksimale parashihet të luhaten nga 14 deri në 17 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me intervale të gjata kohore me diell e lokalisht me vranësira e ndonjë reshje lokale shiu. Në shumicën e territorit të Shqipërisë dhe Maqedonisë nuk do të ketë reshje, ndërsa në Mal të Zi reshjet do të jenë dukshëm më të përhapura.
Të dielën na pret mot ngjashëm, me intervale kohore me diell e vranësira, por pasdite në shumë vise priten zhvillime pak më të bujshme të vranësirave që lokalisht do të kushtëzojnë reshje e po ashtu edhe rrebeshe lokale shiu me ndonjë vetëtimë dhe bubullimë.
Fillimi javës së nuk do të sjellë ndonjë ndryshim të madh. Do të vazhdojnë alternimet mes vranësirave e intervaleve kohore me diell ku në disa zona mund të ketë ndonjë rigë shiu, megjithatë ditën e martë mund të kemi reshje dukshëm më intensive shiu./MeteoBallkan
