Sot në Kosovë do të kemi ndryshim gradual të kushteve sinoptike. Do të kemi depërtimin gradual të masave ajrore pak më të ftohta nga veriu të cilat do të shkaktojnë ulje graduale të temperaturave. Gjithashtu priten edhe vranësira dhe mundësi për reshje lokale afatshkurtra shiu. Në viset kodrinore-malore do të ketë reshje afatshkurtra bore. Pasdite dhe në mbrëmje do të ketë gjasa për reshje shiu dhe dëbore varësisht nga pozita gjeografike dhe lartësia mbidetare. Disa modele kanë “larguar” reshjet e dëborës që ishin paraparë sonte në Kosovë.
Në Shqipëri, Maqedoninë Veriore dhe Mal të Zi edhe sot do të ketë mot me diell, por me tendenca të përkeqësimit gradual të motit gjatë pasdites së vonshme. Në mbrëmje vonë do të fillojnë reshjet lokale të shiut.
Nesër në tërë rajonin do të mbajë mot i vranët dhe mjaft i ftohtë në krahasim me ditët që kaluam. Vende-vende do të ketë edhe reshje shiu dhe dëbore. Reshjet më të dendura sipas ecurive më të fundit sinoptike do të jenë në Maqedoninë e Veriut dhe disa pjesë të Shqipërisë.
Nga e hëna stabilizim gradual i motit, ndërsa nga e marta priten ngritje të ndjeshme të temperaturave./Meteoballkan
