Në këto momente kemi destabilizim të fuqishëm të atmosferës sidomos në Bosnjë dhe Hercegovinë dhe Serbi, ku përpos rrebeshe të shiut ka edhe vetëtima dhe bubullima të fuqishme, ndërsa lokalisht ka edhe breshër. Edhe në Kosovë kemi destabilizim të pjesërishëm të atmosferës por për momentin rrebeshet e shiut janë mjaft të izoluara.
Në vazhdim të ditës pritet aktivizim i mëtutjeshëm i atmosferës me reshjet dhe rrebeshe lokale shiu në tërë rajonin. Edhe në Kosovë presim rrebeshe lokale shiu me vetëtima dhe bubullimë. Siç kemi theksuar shumë herë këto reshje janë të fuqishme por të lokalizuara, pra nuk përfshijnë tërë territorin. Të shohim cilat rajone do të përfitojnë sot rrebeshe më të shumta shiu sepse këtë fenomen nuk ka meteorolog që mund ta përcaktojë saktësisht./Meteoballkan
