Pas një dite mjaft të nxehtë dhe stabile nga nesër do të kemi destabilizim të pjesshëm të motit si pasojë e depërtimit të një fronti të ftohtë ajror nga veriu.
Ky front i ftohtë do të shkaktojë destabilizim të motit por jo në tërë rajonin. Bëhet fjalë vetëm për disa rajone në Kosovë ku priten rrebeshe të izoluara shiu, me mundësi edhe për vetëtima dhe bubullimë.
Disa rajone do të përfitojnë reshje shiu, kurse rajone tjera mund të mos kenë asnjë pikë shiu.
Kjo mund të jetë edhe dita e parë për këtë sezonë kur do të mund të kemi zhvillime vertikale të vranësirave me vetëtima dhe bubullimë.
Sidoqoftë është një front tipik pranveror i cili do të ndikojë në freskimin e motit sidomos në zonat ku do të ketë vranësira dhe reshje, sepse përndryshe nuk priten ulje të temperaturave.
Edhe ditëve të ardhshme na pret mot i nxehtë, por me mundësi për zhvillime lokale të vranësirave të cilat mund të sjellin rrebeshe të izoluara shiu me vetëtima dhe bubullimë./Meteoballkan
