Dje orëve të pasdites në Slloveni nga Alpet zbriti fronti i ftohtë duke destabilizuar atmosferën. Në këtë mënyrë u krijuan sisteme të fuqishme stuhish që sollën reshje të rrëmbyeshme dhe breshër fillimisht në Slloveni, pastaj në Kroaci dhe veri e veriperëndim të Bosnjes dhe Hercegovinës.
Sipas modeleve dhe parametrave të tjerë kjo do të duhej të ishte e tëra që sistemet e stuhive të dobësoheshin diku në pjesët qendrore të Bosnjës, por nuk ndodhi fare ashtu.
Sistemet e fuqishme u rigjeneruan pikërisht në Bosnjë dhe u fuqizuan duke përparuar drejt Malit të Zi. Në Bosnjë ato shkaktuan stuhi të fuqishme shiu e breshër. Pas mesnate mbrëmë arriten në Mal të Zi dhe në orët e mëngjesit depërtuan edhe në Kosovë ku pati erëra të fuqishme që nga Istogu, Peja, Deçani e deri në Prizren. Sistemi u dobësua posa hyri në Kosovë, por shkaktojë erëra mjaft të fuqishme në ato pjesë të Dukagjinit duke bërë edhe dëme të mëdha materiale. Reshjet ishin të pakta dhe krejtësisht lokale.
Pra, sistemi udhëtoi nga Sllovenia, u dobësua në Mal të Zi dhe Kosovë ku u shua tërësisht, megjithatë shkaktoi erëra mjaft të fuqishme në këto pjesë të Dukagjinit./METEOBALLKAN
